四圍開餐~AJ's 斯里蘭卡菜館

AJ's 斯里蘭卡菜館

西貢半天遊，除咗買廚具、到小店尋寶，當然要開餐啦~~
海鮮餐經常有機會食，不如試下啲小店可能仲有驚喜

行下行下，見到里間斯里蘭卡菜館，時間尚早，店內未有客人而店員就係門口落力推介，好啦，試下啦

餐廳唔算大，總共唔夠20個位，裝潢亦好簡潔、好舒服

先叫一個斯式炒米粉，我選咗雞肉，肉質不錯唔會硬，米粉係切碎咗，唔似港式一條一條長，入面有唔同香料
米粉炒得夠乾身，唔會濕淋淋，味道唔錯

唔飲得酒，無試斯里蘭卡啤酒，叫咗汽水，中伏了... ...
橙汁還可以，提子汁簡直同藥水無異

店員落力推介既彩虹魚~~

肉質真係好鮮嫩，店員話比三文魚鮮嫩，果然無講大話，烤得好香，就連薯菜都烤得好香
真的. 真的. 好好味呀 ! ! !

我地得兩個人，叫咗好少野食，下次要試多啲唔同既菜式同啤酒

AJ's 斯里蘭卡菜館
西貢海旁街14號地下

爽YY指數：3.5星