四圍開餐~法國雪山咖啡

法國雪山咖啡

今日又喺元朗食飯啦，哩間餐廳其實係我既飯堂
餐廳唔大，座位唔夠20個，經常爆滿，建議電話訂位（佢地定咗6:30同8:30兩輪時段）

小餐廳係家庭式經營，老闆兼廚師係法國人，而太太就係香港人，佢地近年喺香港定居就開咗哩間餐廳
打開餐牌其實菜式唔算多，不過好多都係唔常見既法國家鄉菜~~

如果你係芝士迷就唔好錯過佢既烤芝士，而冬天既芝士火煱亦都非常吸引
有時候更加有芝士扒，Yummy

招牌洋蔥湯，香味濃郁、絕不馬虎

烤芝士出場啦~~
好香好香，芝士好滑，配埋沙律菜減輕油膩，味道剛剛好 ! ! !

法式烤鴨腿，做到皮脆肉滑，不過偏咸，感覺一般

魚扒好滑，而亮點係右下角既薯片，每日新鮮製造，goooooood~~

皇帝批，外皮香脆，杏仁味好香，食一大件都唔覺膩 ! ! !

反轉蘋果批，蘋果夠淋又唔酸，皇帝批而外既好選擇~~

今日原本想食青口同龍蝦，不過佢地覺得啲貨唔靚，寧願唔賣，下次啦~~

法國雪山咖啡
元朗西菁街23號富達廣場C座56號地下

爽YY指數：4星