遊~20130127東京東北（Day 5）

DAY 5．白石藏王-->上野-->香港

瞓醒第一件事~浸溫泉，據我所知，哩度只有溫泉出面有洗白白既地方，而且亦係用公廁，係日本就唔使擔心清潔問題，不過要有心理準備係比較古樸，唔係之前兩晚咁歎
不過無所謂啦，去旅行當然要樣樣都試下啦
哩度係家庭式經營，進膳既地方係房入面，佢另外有種房係不設餐膳，但係有小廚房自己煮食

唔係間間溫泉旅館都有哩個燈籠，有秘湯協會認可先有
偏廳既擺設係可以買走嫁

終於要結束東北旅程，返上野啦
其實我都係第一次去上野咋，真係失禮

食咗鰻魚飯、買埋手信，正式離開日本返香港啦，Bye Bye~~

總括今次一人冰之旅，出發前朋友都擔心我一個人得唔得，相反我自己就好期待，旅程亦總算有驚無險、順順利利，見到靚靚雪景、食到日本名物又住到心怡既旅館已經大滿足 ! ! !

遊~20130127東京東北（Day 4）

DAY 4．乳頭溫泉-->角館-->鐮先溫泉

晨早起床浸溫泉，第一張就係私人風呂，其實同露天混浴係一板之隔
妙乃湯分四種房：無景無廁、無景有廁、有景無廁、有景有廁，去溫泉途經既廁所都好乾淨

早餐既地方同晚餐係唔同，由兩位女士服務全旅館既客人，但完全唔會手忙腳亂

休休閒閒享受完美味既早餐，時間尚早，先去附近影相

右手轉彎就係另一間秘湯~大釜溫泉，係由學校改建而成

秘湯中既黑湯冬天係唔開放

妙乃湯真係有一種休閒中不失高雅既感覺，每件擺設、房間佈置都好精緻
好啦，有車啦，我會再返嚟嫁~~

去鶴之湯上車既地方，下次

回到田沢湖站，下一站：角館

最適合去角館係櫻花盛放既季節，今次去角館只係順路同試下比內地雞<---根本係為食，keke~~

離開秋田縣，到達白石藏王再轉的士去鐮先溫泉~最上屋
小插曲：坐的士既時候我就諗，點解我會突然間咁大膽，去一個無blogger介紹既溫泉區，去到間溫泉旅館都幾大，但係住客好似唔係好多，而且我間房無廁所，越諗越驚 ! ! !
唔好理，食飽就快快去浸溫泉~~
天呀，個溫泉係咪有鎮定劑，雖然係一個小小既溫泉，但係浸完成個人舒服晒，個心好平靜，唔通就係哩個原因而得到秘湯協會既燈籠 ? ?

遊~20130127東京東北（Day 3下）

DAY 3．上山-->山寺-->乳頭溫泉（秋田縣）

到達仙台站轉車，當然不能放過牛舌便當，哩個便當一拉黃線就會發熱，暖LOVE LOVE

經過咗好似夢幻一樣既雪景，係田沢湖站買車票轉巴士

經過23個站~45分鐘，終於  終於  終於到咗啦 ! ! !

好多人會選擇鶴之湯，不過我今次選擇咗妙乃湯

小小既溫泉旅館，職員幫我辦完手續就帶我上房，哩度每間房都以花草為名，我住既係二輪草，職員細心幫我沖茶、介紹旅館、安排私人風呂就離開
二話不說我就攞起相機影影影，入住前我無諗過間房係咁別緻

細個睇叮噹先會有既枱椅，卡娃E~~

晚餐前去浸溫泉先，妙乃湯既露天混浴：金之湯、銀之湯
真係好舒服呀，爽YY指數爆燈~~

食物亦都好美味，Yummy~~

晚餐期間職員已經舖好床舖啦，不過無咁早休息，因為今晚要去浸私人風呂（依家係每組可享用半小時）